మీకు తెలుసా ?
సూరంపాలెం తెలుసా మీకు అని ఎవరైనా అడిగారనుకోండి. ఓస్ ఎందుకు తెలీదు. ఫేమస్ ఇంజనీరింగ్ కాలేజీలు, ఎత్తిపోతల పధకం ఉన్నాయి. పెద్దాపురం దాటాక వస్తుంది. ఆ ఊరేనా ? అని అంటారు కదా ! కాని ఆ ఊరు పేరు చెపితే జనం హడలిపోయేవారు . మీకు తెలుసా?
ఆ సంగతి ఇప్పుడు కాదు లెండి. ఒక అరవై ఏళ్ళ క్రితం ఆ ప్రాంతం అంతా కీకారణ్యంలా ఉండేదిట. పట్టపగలు వెళ్ళడానికి కూడా భయపడేవారట. ఇంతకీ ఆ ఊరు పేరు అప్పుడు సూరమ్మ పాలెం దానినే సూరమ్మ దూకుడు అనే వారట. ఆ ప్రాంతం గుండా వెళ్ళే బాటసారులను, కిరాణా సామానులు పెద్దాపురంలో కొనుగోలు చేసుకొని రాజానగరం కేసి వెళ్ళే వర్తకులను దారికాచి దోచుకొనే వారట. అందుకే క్షేమంగా సూరమ్మ దూకుడు దాటితే అదే పదివేలు అనుకొనేవారట జనం అప్పట్లో.
