అమ్మలు అందరూ ఇంతేనా ?



సాధారణంగా పిల్లలు అన్న తరవాత పేచీలు పెట్టరా చెప్పండి. అందులోనూ స్కూల్ కి వెళ్ళడానికి పేచీ పెట్టని కుర్రాడు ఉంటాడా? ఏ చుట్టాలు వచ్చినపుడో ఎలాగూ వాళ్ళ ముందు ఏమీ అనరులే ( చుట్టాలు వెళ్ళిన   తర్వాత వీపు విమానం మోత ఎక్కిస్తారు అనుకోండి ) అన్న ధైర్యంతో స్కూల్ ఎగ్గొట్టమా. హోమ్ వర్క్ చేయకుండా టి.వి లో సినిమా చూసినపుడు అర్జంటుగా స్కూల్ టైమ్ కు కడుపు నొప్పిలు రావటం సహజం కదా! స్కూల్ టైమ్ దాటాక అదే తగ్గుతుంది. ఇదేం కొత్త కాదు కదా. ఈ మధ్యన రకరకాల బంద్ ల వల్ల స్కూల్ సరిగా జరగలేదని ఆదివారాలతో సహా అన్ని సెలవు రోజులలో స్కూల్ పెట్టేస్తున్నారు. రోజూ వెళ్ళి వెళ్ళి బోర్ కొట్టింది. పోనీ ఒకరోజు స్కూల్ ఎగ్గొట్టేద్దాం అని రాత్రే ప్లాన్ వేసుకొని ఉదయం లేవకుండా పడుకున్నా. పోనీ కుర్రాడు వారం అంతా అలిసిపోయి ఉన్నాడు. అని ఊరుకోవచ్చు కదా!. అమ్మ లేపేసింది. నేను లేవనని పేచీ మొదలు పెట్టాను. రోజూ స్కూల్ కి  వెళ్ళాలా? ఏం ఒకరోజు మానేస్తే కొంపమునిగిపోతుందా అని అడిగాను. మీ అమ్మ లు అయితే ఏమంటారు? తప్పమ్మా రోజూ స్కూల్ కి వెళ్ళి బాగా చదువుకోవాలి. అలా చదువుకొంటే పెద్ద అయాక పెద్ద డాక్టర్, పెద్ద ఇంజనీర్, పెద్ద సాఫ్ట్ వేర్ ఇంజనీర్ అయి ఎడా పెడా సంపాదించుకోవచ్చు . అని చెపుతారు కదా?  మరి మా అమ్మ ఏమిటండీ ఇలా చెప్పింది. నాన్నా, నువ్వు రోజూ తప్పకుండా స్కూల్ కి వెళ్ళాలమ్మా ! నీకు ఇప్పుడు నలభై ఏళ్ళు కదా! అయినా   నువ్వు ఆ స్కూల్ కి హెడ్ మాస్టర్ వి కూడాను. నువ్వు వెళ్ళకపోతే తాళాలు ఎవరు తీస్తారు. పిల్లలకి పాఠాలు ఎవరు  చెప్తారు చెప్పు.  అంటుంది ఏమిటండీ ?  అమ్మలు అందరూ ఇంతేనా? 

ఈ బ్లాగ్ నుండి ప్రసిద్ధ పోస్ట్‌లు

మార్జాల కిశోర న్యాయం.... మర్కట కిశోర న్యాయం.....

చిత్రం
       పిల్లి పిల్లల్ని పెట్టి ఏడు ఇళ్ళు తిప్పుతుంది అంటారు . మీరు ఎప్పుడైనా పిల్లి తన పిల్లల్ని తీసుకువెళ్ళటం చూసారా ? తన నోటితో జాగ్రత్తగా కరిచి పట్టుకొని తీసుకువెళ్తుంది . ఇక్కడ పిల్లిదే బాధ్యత . పిల్లలదేమీ ఉండదు . దీనినే మార్జాల కిశోరన్యాయం అంటారు .  అదే మర్కటం అంటే కోతి విషయంలో చూసారా ? అది పిల్లలతో సహా గోడలు ఎక్కి , చెట్టు కొమ్మలు , ఇంటి కప్పులు ఎక్కడికి వెళ్ళినా చిన్నచిన్న పిల్లలు తన తల్లిని వీపునకు గాని , తల్లి పొట్టను కాని గట్టిగా పట్టుకొని ఉంటాయి . ఇక్కడ బాధ్యత తల్లిది కాదు , పిల్లలదే . దీనినే మర్కట కిశోరన్యాయం అంటారు .        ఇదంతా ఎందుకు చెప్తున్నా అనుకొంటున్నారు కదా . ఈ రోజులలో పిల్లల్ని మనం పిల్లి తన పిల్లల్ని ఎంత జాగ్రత్తగా చూస్తుందో అంతలా చూస్తున్నాం . చూడండి వాళ్ళకు ఉదయం లేపడం దగ్గరనుంచి , స్నానాలు చేయించడం , టిఫిన్స్ బతిమాలి తినిపించడం , బస్ వచ్చేస్తుందని వాళ్ళని తరుముతూ రెడీ చేయడం అన్నీ తలితండ్రుల బాధ్యతగా తీసుకొంటున్నాం . వాళ్ళకి పరీక్షలు వస్తే మనకే అన్నట్లు దగ్గర
మరింత చదవండి

వేదాలలో గణిత ప్రాముఖ్యం

        వేదాలలో గణితశాస్త్రానికి ప్రముఖ స్థానం ఇచ్చారు . ఈ శ్లోకం చూడండి .        " యధా శిఖా మయూరాణాం          నాగానాం మణయో యధా          తద్వద్వేదాంగ శాస్త్రాణం       గణితం మూర్ధని స్థితమ్ " .        " నెమళ్ళకు శిఖల వలె , పాములకు మణులవలె , వేదాంగ శాస్త్రాలన్నింటికీ శిరస్సున గణితం ఉంది . " అని అర్ధాన్నిచ్చే ఈ శ్లోకం వలన గణితానికి వేదకాలంలో ఉన్న ప్రాముఖ్యతను అర్ధం చేసుకోవచ్చును .        ఆనాడు కాలం , ముహుర్తం , వంటి కాలప్రమాణాలు , గ్రహగతులు వాటి ప్రభావం , సూర్య చంద్రులు , నక్షత్రముల స్థితిగతుల గురించి వారికి గల గణిత పరిజ్ఞానం ఎంతో అపారం . ఎప్పుడో రాబోయే సూర్య , చంద్ర గ్రహణాలు , కురవబోయే వర్షాలు , కాయబోయే ఎండలు , అన్నింటినీ ముందే లెక్కించే వారు .        వేదకాలంలో యజ్ఞ వాటికల నిర్మాణం , అగ్నిహోత్ర హోమకుండాలు మొదలైన వాటి గురించి వారికి గల రేఖాగణిత జ్ఞానం ఉపయోగ పడేది .
మరింత చదవండి