అన్నీ శుభ శకునములే
మనలో చాలామంది తిధులు, నక్షత్రాలు, వారాలు, వర్ఝ్యాలు, మొదలయినవి చూసుకొని గాని ఏ పని చేయరు. ఎవరి నమ్మకాలు వాళ్ళవి . అందులో తప్పేం లేదు. కాని మన పెద్దలు మాత్రం ఈ రోజు మంచిది. ఆ రోజు మంచిది కాదు. అని ఆయా రోజులకు, తిధులకు ఆపాదించకుండా ఉండేందుకే కాబోలు కొన్ని ప్రత్యేకతలు, పర్వదినాలు , ప్రీతికరాలు అంటూ అన్ని రోజులకూ ఏదో ఒకటి ఏర్పరిచారు.
అలాగే మరి మనకు ఉన్న తిధులు పదిహేను వాటికి కూడా అలానే ఏదో ఒక ప్రత్యేకత ఉంది. అవన్నీ క్రింద చూడండి.
తిధులు ప్రత్యేకత
౧. పాడ్యమి చైత్రశుద్దపాడ్యమి ( తెలుగు సంవత్సరాది, యుగాది)
౨. విదియ భానువారం (ఆదివారం) తో కూడినది (భాను విదియ)
౩. తదియ వైశాఖశుద్దతదియ(అక్ష తదియ లేదా అక్షయ తృతీయ)
౪. చవితి భాద్రపద శుద్ద చవితి (వినాయక చవితి)
౫. పంచమి శ్రావణ శుద్ద పంచమి ( గరుడ పంచమి)
౬. షష్ఠి మార్గశిర శుద్ద షష్ఠి ( సుబ్రహ్మణ్య షష్ఠి )
౭. సప్తమి మాఘ శుద్ద సప్తమి ( రధ సప్తమి )
౮. అష్టమి శ్రావణ బహుళ అష్టమి ( గోకులాష్టమి)
౯ నవమి చైత్ర శుద్ద నవమి ( శ్రీరామ నవమి)
౧౦. దశమి ఆశ్వీయుజ శుద్ద దశమి ( విజయ దశమి)
౧౧. ఏకాదశి ఆషాఢ శుద్ద ఏకాదశి ( తొలి ఏకాదశి)
౧౨. ద్వాదశి కార్తీక శుద్ద ద్వాదశి (చిలుక ద్వాదశి )
౧౩. త్రయోదశి శనివారం తో కూడినది ( శని త్రయోదశి)
౧౪. చతుర్దశి భాద్రపద శుద్ద చతుర్దశి ( అనంత పద్మనాభ చతుర్దశి)
ఆశ్వీయుజ బహుళ చతుర్దశి ( నరక చతుర్దశి)
౧౫. పౌర్ణమి ఆషాడ శుద్ద పౌర్ణమి ( వ్యాస పౌర్ణమి )
అమావాశ్య ఆశ్వీయుజ బహుళ అమావాశ్య ( దీపావళి అమావాశ్య)
ఇవి మాత్రమే
కాదు ఇంకా అవే తిధులకు వేరే పేర్లతొ గాని వేరే రొజుల్లో గాని ప్రత్యేకతలు ఉండవచ్చు . అవి ప్రాంతాలు, ఆచారాలను బట్టి మారవచ్చును. ఏమైనా అన్ని రోజులూ మంచివే . అన్నియునూ
శుభ శకునములే అని భావించవచ్చును.
సర్వే జనః సుఖినో భవంతు. సమస్త సన్మంగళాని భవంతు.
అందరికీ అన్ని వేళలా శుభం కలగాలని కోరుతూ ...
మీ కాకినాడ కాజా
.jpg)
కామెంట్‌లు