ఎందుకో ఏమిటో...

ఎందుకో ఏమిటో...
        చిన్న  పిల్లల్ని  చూడండి. వారి చేతిలోని బొమ్మ కాని చాక్లెట్ కాని సరదాగా అడిగాం అనుకోండి. అమ్మా నాది అంటారు. ఆ వయస్సులో మనం చూసేవి అన్నీ మనవే, మనవి మాత్రమే అనే భావన ఉంటుంది. అది ఆ వయసు రీత్యా సహజం. వయసు పెరిగే కొద్దీ అందరితో పంచుకోవటం, సమానత్వ భావం మొదలయినవి అలవడుతుంటాయి. 
మనం చూస్తూ ఉంటాం  బస్ గాని రైల్ గాని ఎక్కినపుడు మన సీటును మన స్వంత ఆస్తిగా భావిస్తుంటాము. కాని మన ప్రయాణం  అయే వరకే అనుకోము. మన ముందు, మన తర్వాతా  కూడా అదే సీట్ ను చాలా మంది పంచుకొని ఉంటారు. కొందరిలో ఇంకా ఆ చిన్నపిల్లల మనస్తత్వం మారదెందుకో. ఈ గాలి , ఈ నేలా, ఈ ఊరూ,  మనందరిదీ . వెండి వెన్నెల జాబిలిని చూస్తూ ప్రయాణిస్తూ ఉంటే మనతోనే వస్తున్నట్లు ఉంటుంది. కాని అది నిజం  కాదు కదా? జాబిలి మన ఒక్కరి సొంతం కాదు కదా? ప్రకృతి సౌందర్యం నిండి ఉన్న ప్రదేశాలను చూస్తే  ఎవరికైన మనసు పరవశిస్తుంది . మన సంస్కృతి, సాంప్రదాయాలు,మన ఊరు, మన పండుగలూ, మన  దేవాలయాలు అన్నీ అందరివీ, అందరికీ. చూసినపుడు అందరికీ మనసు స్పందిస్తుంది. అయితే భావవ్యక్తీకరణలో  భేధాలు ఉండవచ్చు.     ఏది ఏమైనా మన లోని సంకుచిత భావాలను  భోగి మంటలలో వేసి, నూతన పరిచయాలకు,వినూత్న ఆలోచనలకు, సృజనశీలతకు దారులు పరుద్దాం.  శాంతి సౌహార్ద్రాలతో , సర్వ మానవ సౌభ్రాతత్వంతో మెలగుదాం.



మీ కాకినాడ  కాజా

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

మార్జాల కిశోర న్యాయం.... మర్కట కిశోర న్యాయం.....

చిత్రం
       పిల్లి పిల్లల్ని పెట్టి ఏడు ఇళ్ళు తిప్పుతుంది అంటారు . మీరు ఎప్పుడైనా పిల్లి తన పిల్లల్ని తీసుకువెళ్ళటం చూసారా ? తన నోటితో జాగ్రత్తగా కరిచి పట్టుకొని తీసుకువెళ్తుంది . ఇక్కడ పిల్లిదే బాధ్యత . పిల్లలదేమీ ఉండదు . దీనినే మార్జాల కిశోరన్యాయం అంటారు .  అదే మర్కటం అంటే కోతి విషయంలో చూసారా ? అది పిల్లలతో సహా గోడలు ఎక్కి , చెట్టు కొమ్మలు , ఇంటి కప్పులు ఎక్కడికి వెళ్ళినా చిన్నచిన్న పిల్లలు తన తల్లిని వీపునకు గాని , తల్లి పొట్టను కాని గట్టిగా పట్టుకొని ఉంటాయి . ఇక్కడ బాధ్యత తల్లిది కాదు , పిల్లలదే . దీనినే మర్కట కిశోరన్యాయం అంటారు .        ఇదంతా ఎందుకు చెప్తున్నా అనుకొంటున్నారు కదా . ఈ రోజులలో పిల్లల్ని మనం పిల్లి తన పిల్లల్ని ఎంత జాగ్రత్తగా చూస్తుందో అంతలా చూస్తున్నాం . చూడండి వాళ్ళకు ఉదయం లేపడం దగ్గరనుంచి , స్నానాలు చేయించడం , టిఫిన్స్ బతిమాలి తినిపించడం , బస్ వచ్చేస్తుందని వాళ్ళని తరుముతూ రెడీ చేయడం అన్నీ తలితండ్రుల బాధ్యతగా తీ...
మరింత చదవండి

వేదాలలో గణిత ప్రాముఖ్యం

        వేదాలలో గణితశాస్త్రానికి ప్రముఖ స్థానం ఇచ్చారు . ఈ శ్లోకం చూడండి .        " యధా శిఖా మయూరాణాం          నాగానాం మణయో యధా          తద్వద్వేదాంగ శాస్త్రాణం       గణితం మూర్ధని స్థితమ్ " .        " నెమళ్ళకు శిఖల వలె , పాములకు మణులవలె , వేదాంగ శాస్త్రాలన్నింటికీ శిరస్సున గణితం ఉంది . " అని అర్ధాన్నిచ్చే ఈ శ్లోకం వలన గణితానికి వేదకాలంలో ఉన్న ప్రాముఖ్యతను అర్ధం చేసుకోవచ్చును .        ఆనాడు కాలం , ముహుర్తం , వంటి కాలప్రమాణాలు , గ్రహగతులు వాటి ప్రభావం , సూర్య చంద్రులు , నక్షత్రముల స్థితిగతుల గురించి వారికి గల గణిత పరిజ్ఞానం ఎంతో అపారం . ఎప్పుడో రాబోయే సూర్య , చంద్ర గ్రహణాలు , కురవబోయే వర్షాలు , కాయబోయే ఎండలు , అన్నింటినీ ముందే లెక్కించే వారు .        వేదకాలంలో యజ్ఞ వాటికల నిర్మాణం , అ...
మరింత చదవండి

కాళ్ళు తడవకుండా సముద్రం దాటచ్చు....

చిత్రం
       కాళ్ళు తడవకుండా సముద్రం దాటచ్చు కాని కళ్ళు తడవకుండా జీవితాన్ని దాటలేము . ఇది పెద్దలు చెప్పిన మాటల్లో ఒకటి . అంటే జీవితంలో కష్ట సుఖాలు అనేవి తప్పవు ఏదో ఒక సందర్భంలో దుఃఖం రాకుండా ఉండదు కదా అనే జీవిత సత్యాన్ని అలా చెప్పారు .  కాని సముద్రాన్ని చూస్తే అసలు కాళ్ళు తడవకుండా ఉండగలరా ఎవరన్నా ? కాకినాడ సముద్ర తీరంలో సూర్యోదయం చూడాలనిపించింది . ఉదయాన్నే బయలుదేరాం .   అప్పటికి ఇంకా అరుణోదయం కూడా కాలేదు . ఈ రోజు మబ్బుగా ఉండటం వల్ల కాబోలు . కాని జీవన యానం తప్పదు కదా ? అప్పుడే వలలు సర్దుకొని చేపల వేటకు బయలుదేరుతున్న గంగపుత్రులను చూడండి .   అవును ఈ రోజు మాఘమాసపు ఆదివారం కదా ! చూసారా ఉదయాన్నే సముద్ర స్నానానికి వచ్చిన భక్తురాళ్ళని .   అదుగో అరుణోదయం .   అదుగో సూర్యుడు అంటూ తమ్ముడికి చూపిస్తున్న అన్నయ్య .   ఎవరో ఒకాయన చూడండి సూర్యబింబాన్ని ఒడిసిపట్టాలని చూస్తున్నాడు .   అదుగో   సూర్యుడు   నెమ్మదిగా ...
మరింత చదవండి