గుర్తుకొస్తున్నాయి....

గుర్తుకొస్తున్నాయి....
పండగ వస్తే చాలు పిల్లలకు కొత్తబట్టలు, పిండి వంటలు ఇవేకదా ! అమ్మమ్మ ఇంట్లో మనవలము పదిమందిమీ ఉండే వాళ్ళం . అందరికి ఇంటి దగ్గరకు వచ్చే బట్టల మూట వాడి దగ్గరే షాపింగ్ . కూతులళ్ళకి , కోడళ్ళకి చీరలు, మనవలకి లాగు, చొక్కాలు ఒకే రకం గుడ్డలు తీయించి కుట్టిమ్చేవారు . బట్టలు కొనడం ఒక ఎత్తు అయితే అవి కుత్తించుకోడం మరో ఎత్తు అయెది. ఊరందరికి మన వంశీ గారి లేడీస్ టైలర్ లాంటి టైలర్ ఒకడు ఉండేవాడు . వాడికి కొలతలు ఇచ్చిన దగ్గర నుంచి వేరే పనేం ఉండేది కాదు. స్వాతిముత్యం లో కమల్ హాసన్ లాగ పూటకి రెండు సార్లు వాడి దగ్గరకు తిరగటమే పని. ఎంతలా తిరిగినా పండగ రేపు అనగా కానీ ఇచ్చేవాడు కాదు. ఇంక అక్కడి నుంచి కొత్త బట్టలు ఎప్పుడెప్పుడు వేసేసుకుందామా అని అందరు హడావిడి పడే వాళ్ళం .
              భోగికి నాలుగు రోజుల ముందు నుంచి మరో హడావిడి ఉండేది. ఎక్కడెక్కడి నుంచో కర్ర దుంగలు , ఎండిన చెట్ల కొమ్మలు కొట్టుకు రావటం , వీధిలోని వారందరి ఇంట్లోని పనికిరాని కుర్చీలు విరిగిన కర్ర సామగ్రిని సేకరించడం పెద్ద సరదాగా ఉండేది. పెద్ద పిల్లలతో పాటు కూడా తిరగటం , కర్ర సామగ్రి మోసుకు రావటం బాగుండేది. పనిలో పని వాళ్లకి విరాళంగా అడిగినవి ఇవ్వని వారి దగ్గర నుంచి దొంగతనంగా తాటి దూలాలు, వాసాలు , కర్ర సామగ్రి గాని రాత్రి పూట తెచ్చేయడం ,భోగి మంట  లకి సమర్పించడం బాగుండేది .
             మీ కాకినాడ కాజా


కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

మార్జాల కిశోర న్యాయం.... మర్కట కిశోర న్యాయం.....

చిత్రం
       పిల్లి పిల్లల్ని పెట్టి ఏడు ఇళ్ళు తిప్పుతుంది అంటారు . మీరు ఎప్పుడైనా పిల్లి తన పిల్లల్ని తీసుకువెళ్ళటం చూసారా ? తన నోటితో జాగ్రత్తగా కరిచి పట్టుకొని తీసుకువెళ్తుంది . ఇక్కడ పిల్లిదే బాధ్యత . పిల్లలదేమీ ఉండదు . దీనినే మార్జాల కిశోరన్యాయం అంటారు .  అదే మర్కటం అంటే కోతి విషయంలో చూసారా ? అది పిల్లలతో సహా గోడలు ఎక్కి , చెట్టు కొమ్మలు , ఇంటి కప్పులు ఎక్కడికి వెళ్ళినా చిన్నచిన్న పిల్లలు తన తల్లిని వీపునకు గాని , తల్లి పొట్టను కాని గట్టిగా పట్టుకొని ఉంటాయి . ఇక్కడ బాధ్యత తల్లిది కాదు , పిల్లలదే . దీనినే మర్కట కిశోరన్యాయం అంటారు .        ఇదంతా ఎందుకు చెప్తున్నా అనుకొంటున్నారు కదా . ఈ రోజులలో పిల్లల్ని మనం పిల్లి తన పిల్లల్ని ఎంత జాగ్రత్తగా చూస్తుందో అంతలా చూస్తున్నాం . చూడండి వాళ్ళకు ఉదయం లేపడం దగ్గరనుంచి , స్నానాలు చేయించడం , టిఫిన్స్ బతిమాలి తినిపించడం , బస్ వచ్చేస్తుందని వాళ్ళని తరుముతూ రెడీ చేయడం అన్నీ తలితండ్రుల బాధ్యతగా తీసుకొంటున్నాం . వాళ్ళకి పరీక్షలు వస్తే మనకే అన్నట్లు దగ్గర
మరింత చదవండి

వేదాలలో గణిత ప్రాముఖ్యం

        వేదాలలో గణితశాస్త్రానికి ప్రముఖ స్థానం ఇచ్చారు . ఈ శ్లోకం చూడండి .        " యధా శిఖా మయూరాణాం          నాగానాం మణయో యధా          తద్వద్వేదాంగ శాస్త్రాణం       గణితం మూర్ధని స్థితమ్ " .        " నెమళ్ళకు శిఖల వలె , పాములకు మణులవలె , వేదాంగ శాస్త్రాలన్నింటికీ శిరస్సున గణితం ఉంది . " అని అర్ధాన్నిచ్చే ఈ శ్లోకం వలన గణితానికి వేదకాలంలో ఉన్న ప్రాముఖ్యతను అర్ధం చేసుకోవచ్చును .        ఆనాడు కాలం , ముహుర్తం , వంటి కాలప్రమాణాలు , గ్రహగతులు వాటి ప్రభావం , సూర్య చంద్రులు , నక్షత్రముల స్థితిగతుల గురించి వారికి గల గణిత పరిజ్ఞానం ఎంతో అపారం . ఎప్పుడో రాబోయే సూర్య , చంద్ర గ్రహణాలు , కురవబోయే వర్షాలు , కాయబోయే ఎండలు , అన్నింటినీ ముందే లెక్కించే వారు .        వేదకాలంలో యజ్ఞ వాటికల నిర్మాణం , అగ్నిహోత్ర హోమకుండాలు మొదలైన వాటి గురించి వారికి గల రేఖాగణిత జ్ఞానం ఉపయోగ పడేది .
మరింత చదవండి