కుడి ఎడమైతే పొరపాటు లేదోయి....







కుడి ఎడమైతే పొరపాటు లేదోయి....
అని సినీ కవి రాస్తే ఆ సినిమాలో సన్నివేశాలకు తగినట్లు వ్రాసి ఉండవచ్చును. కాని మనం నిజజీవితంలో అలా అనుకొంటే పొరపాటే అవుతుంది. మనకు చిన్నతనం నుంచి చెప్తూ ఉంటారు రోడ్డు మీద వెళ్ళేటప్పుడు ఎడం వైపున వెళ్ళాలి అని . వాహనాలలో వెళ్ళినా , నడచి వెళ్ళినా కూడా మనం ఎప్పుడైనా ఎడం వైపున ప్రయాణించాలి. అది రోడ్డు భద్రతా నియమం , మన నైతిక బాధ్యత కూడా . సరే చాలా మంది బాగానే  పాటిస్తారు. కాని నేను ఇప్పుడు చెప్పబోయే విషయం అది కాదు. చాలా మంది చిన్న పిల్లలను నడిపించుకొని వెళుతుంటారు. అప్పుడు వాళ్ళు ఏవైపు నడిచినా వాళ్ళ పిల్లలను వాళ్ళ కుడి వైపు నడిపిస్తారు. అది చాలా ప్రమాదం. ఎందుకంటే వాళ్ళు మనంత కుదురుగా నడవరు కదా! ఒక వేళ ఏ మాత్రం చెయ్య వదిలేసినా , వాళ్ళు అటూ, ఇటూ పరుగుపెట్టినా వాళ్ళకి , మిగిలిన వాహనాల వాళ్ళకి కూడా ప్రమాదంకదా. ఇది నేను చెప్తుంటే సిల్లీ గా ఉండి ఉండవచ్చును. కాని ఆలోచించండి. అది ఎంత ప్రమాదమో ! కాబట్టి వాళ్ళని మనకు ఎడమ వైపు చేతిని పట్టుకుని నడిపిస్తే ఎవరికీ ప్రమాదం ఉండదుకదా!.
అదే విధంగా చాలామంది ఉదయం , సాయంత్రం వేళల్లో తమ పెంపుడు కుక్కలను తీసుకొని వెళుతుంటారు. వాళ్ళు కూడా అంతే . కుక్కలను కూడా ఎటు పడితే అటు నడిపించుకు వెళ్తారు. అంతే కాకుండా గొలుసును చాలా పొడవుగా పట్టుకొంటారు . అది చాలా ప్రమాదం. ఇతరులను చూసి బెదిరినా, అరుస్తూ  మీద పడినా వాళ్ళు కంగారు పడటం ప్రమాదాలు జరగటం చూస్తూ ఉంటాము. అది కూడా వాళ్ళు గమనించుకోవాలి. అందుకే కుడి ఎడమైతే పొరపాటే !
           భద్రతా వారోత్సవాల సందర్భంగా ఈ వ్యాసం వ్రా యడం జరిగింది . .

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

మార్జాల కిశోర న్యాయం.... మర్కట కిశోర న్యాయం.....

చిత్రం
       పిల్లి పిల్లల్ని పెట్టి ఏడు ఇళ్ళు తిప్పుతుంది అంటారు . మీరు ఎప్పుడైనా పిల్లి తన పిల్లల్ని తీసుకువెళ్ళటం చూసారా ? తన నోటితో జాగ్రత్తగా కరిచి పట్టుకొని తీసుకువెళ్తుంది . ఇక్కడ పిల్లిదే బాధ్యత . పిల్లలదేమీ ఉండదు . దీనినే మార్జాల కిశోరన్యాయం అంటారు .  అదే మర్కటం అంటే కోతి విషయంలో చూసారా ? అది పిల్లలతో సహా గోడలు ఎక్కి , చెట్టు కొమ్మలు , ఇంటి కప్పులు ఎక్కడికి వెళ్ళినా చిన్నచిన్న పిల్లలు తన తల్లిని వీపునకు గాని , తల్లి పొట్టను కాని గట్టిగా పట్టుకొని ఉంటాయి . ఇక్కడ బాధ్యత తల్లిది కాదు , పిల్లలదే . దీనినే మర్కట కిశోరన్యాయం అంటారు .        ఇదంతా ఎందుకు చెప్తున్నా అనుకొంటున్నారు కదా . ఈ రోజులలో పిల్లల్ని మనం పిల్లి తన పిల్లల్ని ఎంత జాగ్రత్తగా చూస్తుందో అంతలా చూస్తున్నాం . చూడండి వాళ్ళకు ఉదయం లేపడం దగ్గరనుంచి , స్నానాలు చేయించడం , టిఫిన్స్ బతిమాలి తినిపించడం , బస్ వచ్చేస్తుందని వాళ్ళని తరుముతూ రెడీ చేయడం అన్నీ తలితండ్రుల బాధ్యతగా తీసుకొంటున్నాం . వాళ్ళకి పరీక్షలు వస్తే మనకే అన్నట్లు దగ్గర
మరింత చదవండి

వేదాలలో గణిత ప్రాముఖ్యం

        వేదాలలో గణితశాస్త్రానికి ప్రముఖ స్థానం ఇచ్చారు . ఈ శ్లోకం చూడండి .        " యధా శిఖా మయూరాణాం          నాగానాం మణయో యధా          తద్వద్వేదాంగ శాస్త్రాణం       గణితం మూర్ధని స్థితమ్ " .        " నెమళ్ళకు శిఖల వలె , పాములకు మణులవలె , వేదాంగ శాస్త్రాలన్నింటికీ శిరస్సున గణితం ఉంది . " అని అర్ధాన్నిచ్చే ఈ శ్లోకం వలన గణితానికి వేదకాలంలో ఉన్న ప్రాముఖ్యతను అర్ధం చేసుకోవచ్చును .        ఆనాడు కాలం , ముహుర్తం , వంటి కాలప్రమాణాలు , గ్రహగతులు వాటి ప్రభావం , సూర్య చంద్రులు , నక్షత్రముల స్థితిగతుల గురించి వారికి గల గణిత పరిజ్ఞానం ఎంతో అపారం . ఎప్పుడో రాబోయే సూర్య , చంద్ర గ్రహణాలు , కురవబోయే వర్షాలు , కాయబోయే ఎండలు , అన్నింటినీ ముందే లెక్కించే వారు .        వేదకాలంలో యజ్ఞ వాటికల నిర్మాణం , అగ్నిహోత్ర హోమకుండాలు మొదలైన వాటి గురించి వారికి గల రేఖాగణిత జ్ఞానం ఉపయోగ పడేది .
మరింత చదవండి