ముళ్ళు లేని గులాబీలు


" గులాబీలకు ముళ్ళుంటాయి అని గొణుగుతుంటారు అందరూ "
ముళ్ళకే గులాబీలు పూసాయని సంతోషిస్తారు కొందరు "
పైన్ ఉన్న కొటేషన్ చదివారు కదా లోతుగా ఆలోచిస్తే తెలుస్తుంది. మొదటి వాక్యం నిరాశావాదులను, రెండవ వాక్యం ఆశావాదులను సూచిస్తుంది. ఎంత ఉన్నా, ఏమి చూసినా ఇంకా లోటుందని , ఏదో కావాలనే తపనే తప్ప ఉన్న దానితో తృప్తి చెందాలనే ఊహ లేకనే అసంతృప్తితో రగిలి పోతూ , ఎండ మావుల వెంట పరిగెడుతున్నాడు మనిషి.
        ఆశా వాదులకు , నిరాశా వాదులకు మరొక చక్కని ఉదాహరణ చూడవచ్చును. ఒక గ్లాసు లో సగం వరకూ నీళ్ళు పోసి ఇద్దరినీ అడిగితే ఆశావాది గ్లాసులో సగం నీరు ఉందని చెపితే , నిరాశావాది సగం ఖాళీగా ఉందని అంటాడు.
        అయితే నిరాశావాదుల వల్ల కొన్ని లాభాలు కూడా ఉంటాయి . నిత్య భయం వల్ల కూడా కొన్ని జాగ్రత్తలు ఎక్కువ తీసుకుంటారు.  అందుకే ఆశావాది విమానాన్ని కనిపెడితే , నిరాశా వాది పారాచూట్ కనిపెట్టాడంటారు.  ( నిజానికి విమానాలు కనిపెట్టక ముందే పారాచూట్ కనిపెట్టారు ).
      ఇంతకీ అసలు ముళ్ళు లేని గులాబీలు ఉన్నాయా? ఉన్నాయి. వాటిని చూడాలంటే నా తరువాత పోస్ట్ లో చూడండి.
                                                                                                                                                                              మీ కాకినాడ కాజా 

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

మార్జాల కిశోర న్యాయం.... మర్కట కిశోర న్యాయం.....

చిత్రం
       పిల్లి పిల్లల్ని పెట్టి ఏడు ఇళ్ళు తిప్పుతుంది అంటారు . మీరు ఎప్పుడైనా పిల్లి తన పిల్లల్ని తీసుకువెళ్ళటం చూసారా ? తన నోటితో జాగ్రత్తగా కరిచి పట్టుకొని తీసుకువెళ్తుంది . ఇక్కడ పిల్లిదే బాధ్యత . పిల్లలదేమీ ఉండదు . దీనినే మార్జాల కిశోరన్యాయం అంటారు .  అదే మర్కటం అంటే కోతి విషయంలో చూసారా ? అది పిల్లలతో సహా గోడలు ఎక్కి , చెట్టు కొమ్మలు , ఇంటి కప్పులు ఎక్కడికి వెళ్ళినా చిన్నచిన్న పిల్లలు తన తల్లిని వీపునకు గాని , తల్లి పొట్టను కాని గట్టిగా పట్టుకొని ఉంటాయి . ఇక్కడ బాధ్యత తల్లిది కాదు , పిల్లలదే . దీనినే మర్కట కిశోరన్యాయం అంటారు .        ఇదంతా ఎందుకు చెప్తున్నా అనుకొంటున్నారు కదా . ఈ రోజులలో పిల్లల్ని మనం పిల్లి తన పిల్లల్ని ఎంత జాగ్రత్తగా చూస్తుందో అంతలా చూస్తున్నాం . చూడండి వాళ్ళకు ఉదయం లేపడం దగ్గరనుంచి , స్నానాలు చేయించడం , టిఫిన్స్ బతిమాలి తినిపించడం , బస్ వచ్చేస్తుందని వాళ్ళని తరుముతూ రెడీ చేయడం అన్నీ తలితండ్రుల బాధ్యతగా తీసుకొంటున్నాం . వాళ్ళకి పరీక్షలు వస్తే మనకే అన్నట్లు దగ్గర
మరింత చదవండి

వేదాలలో గణిత ప్రాముఖ్యం

        వేదాలలో గణితశాస్త్రానికి ప్రముఖ స్థానం ఇచ్చారు . ఈ శ్లోకం చూడండి .        " యధా శిఖా మయూరాణాం          నాగానాం మణయో యధా          తద్వద్వేదాంగ శాస్త్రాణం       గణితం మూర్ధని స్థితమ్ " .        " నెమళ్ళకు శిఖల వలె , పాములకు మణులవలె , వేదాంగ శాస్త్రాలన్నింటికీ శిరస్సున గణితం ఉంది . " అని అర్ధాన్నిచ్చే ఈ శ్లోకం వలన గణితానికి వేదకాలంలో ఉన్న ప్రాముఖ్యతను అర్ధం చేసుకోవచ్చును .        ఆనాడు కాలం , ముహుర్తం , వంటి కాలప్రమాణాలు , గ్రహగతులు వాటి ప్రభావం , సూర్య చంద్రులు , నక్షత్రముల స్థితిగతుల గురించి వారికి గల గణిత పరిజ్ఞానం ఎంతో అపారం . ఎప్పుడో రాబోయే సూర్య , చంద్ర గ్రహణాలు , కురవబోయే వర్షాలు , కాయబోయే ఎండలు , అన్నింటినీ ముందే లెక్కించే వారు .        వేదకాలంలో యజ్ఞ వాటికల నిర్మాణం , అగ్నిహోత్ర హోమకుండాలు మొదలైన వాటి గురించి వారికి గల రేఖాగణిత జ్ఞానం ఉపయోగ పడేది .
మరింత చదవండి