మయూరము


మన దేశ జాతీయ పక్షి నెమలి అని అందరికీ తెలుసు కదా! మరి నెమలిని జాతీయ పక్షి గా ఎప్పుడు ప్రకటించారో తెలుసా? నెమలిని మన దేశ జాతీయ పక్షిగా   1963 జనవరి 31 తేదీన మన దేశ ప్రభుత్వం ప్రకటించింది. పక్షులలో నెమలి అందమే వేరు కదా!   
        మగనెమలిని మయూరం అంటారు. ఆడ నెమలిని మయూరి అంటారు. నెమలికి పొడవైన మెడ, తల పైన కిరీటం వలే ఉన్న నిర్మాణం, నీలపు రంగు ఛాతీ, పెద్ద పెద్ద కన్నులు కలిగి వెనుక భాగంలో పొడవైన తోక కలిగి ఉంటుంది. నెమలి రాజసానికి, దర్పానికి గుర్తుగా ఉంటుంది. దీని తోకలో పొడవైన ఈకలుంటాయి వాటికి చివర కన్నులుంటాయి. ఇవే మన చిన్నపుడు పుస్తకాలలో దాచుకున్న నెమలి కన్నులు. ఆకాశం మేఘాలు పట్టి వర్షం కురవటానికి సిధ్ధంగా ఉన్నపుడు నెమలి పులకించి నాట్యం చేస్తుంది.అది చూడటానికి రెండు కళ్ళు చాలవు.
        బాగా నాట్యం చేసేవారిని "నాట్యమయూరి " అంటారు కదా! ఇంతకీ నాట్యం చేసేది ఆడ నెమలి  కాదు. మగ నెమలి ఆడనెమలిని ఆకర్షించేప్రయత్నము అది. అందుకే పురి విప్పి నాట్యం చేస్తుంది.
మగ నెమలి 

ఆడ నెమలి  


తెలుపు రంగు నెమలి.


        నెమలికి  1972   లొ వన్యప్రాణి సంరక్షణ చట్టం ప్రకారం రక్షణ కలిపించారు తెలుసా? 

ఈ బ్లాగ్ నుండి ప్రసిద్ధ పోస్ట్‌లు

మార్జాల కిశోర న్యాయం.... మర్కట కిశోర న్యాయం.....

చిత్రం
       పిల్లి పిల్లల్ని పెట్టి ఏడు ఇళ్ళు తిప్పుతుంది అంటారు . మీరు ఎప్పుడైనా పిల్లి తన పిల్లల్ని తీసుకువెళ్ళటం చూసారా ? తన నోటితో జాగ్రత్తగా కరిచి పట్టుకొని తీసుకువెళ్తుంది . ఇక్కడ పిల్లిదే బాధ్యత . పిల్లలదేమీ ఉండదు . దీనినే మార్జాల కిశోరన్యాయం అంటారు .  అదే మర్కటం అంటే కోతి విషయంలో చూసారా ? అది పిల్లలతో సహా గోడలు ఎక్కి , చెట్టు కొమ్మలు , ఇంటి కప్పులు ఎక్కడికి వెళ్ళినా చిన్నచిన్న పిల్లలు తన తల్లిని వీపునకు గాని , తల్లి పొట్టను కాని గట్టిగా పట్టుకొని ఉంటాయి . ఇక్కడ బాధ్యత తల్లిది కాదు , పిల్లలదే . దీనినే మర్కట కిశోరన్యాయం అంటారు .        ఇదంతా ఎందుకు చెప్తున్నా అనుకొంటున్నారు కదా . ఈ రోజులలో పిల్లల్ని మనం పిల్లి తన పిల్లల్ని ఎంత జాగ్రత్తగా చూస్తుందో అంతలా చూస్తున్నాం . చూడండి వాళ్ళకు ఉదయం లేపడం దగ్గరనుంచి , స్నానాలు చేయించడం , టిఫిన్స్ బతిమాలి తినిపించడం , బస్ వచ్చేస్తుందని వాళ్ళని తరుముతూ రెడీ చేయడం అన్నీ తలితండ్రుల బాధ్యతగా తీసుకొంటున్నాం . వాళ్ళకి పరీక్షలు వస్తే మనకే అన్నట్లు దగ్గర
మరింత చదవండి

వేదాలలో గణిత ప్రాముఖ్యం

        వేదాలలో గణితశాస్త్రానికి ప్రముఖ స్థానం ఇచ్చారు . ఈ శ్లోకం చూడండి .        " యధా శిఖా మయూరాణాం          నాగానాం మణయో యధా          తద్వద్వేదాంగ శాస్త్రాణం       గణితం మూర్ధని స్థితమ్ " .        " నెమళ్ళకు శిఖల వలె , పాములకు మణులవలె , వేదాంగ శాస్త్రాలన్నింటికీ శిరస్సున గణితం ఉంది . " అని అర్ధాన్నిచ్చే ఈ శ్లోకం వలన గణితానికి వేదకాలంలో ఉన్న ప్రాముఖ్యతను అర్ధం చేసుకోవచ్చును .        ఆనాడు కాలం , ముహుర్తం , వంటి కాలప్రమాణాలు , గ్రహగతులు వాటి ప్రభావం , సూర్య చంద్రులు , నక్షత్రముల స్థితిగతుల గురించి వారికి గల గణిత పరిజ్ఞానం ఎంతో అపారం . ఎప్పుడో రాబోయే సూర్య , చంద్ర గ్రహణాలు , కురవబోయే వర్షాలు , కాయబోయే ఎండలు , అన్నింటినీ ముందే లెక్కించే వారు .        వేదకాలంలో యజ్ఞ వాటికల నిర్మాణం , అగ్నిహోత్ర హోమకుండాలు మొదలైన వాటి గురించి వారికి గల రేఖాగణిత జ్ఞానం ఉపయోగ పడేది .
మరింత చదవండి