మేలుకొలుపు




లోకంలోని ప్రతి ప్రాణిని మేలుకొలిపి ప్రాణాధారం అయిన కాంతిని ఇచ్చే సూర్యునికి

 మనం పలికే మేలుకొలుపు ఇది.

     శ్రీ సూర్య నారాయణా! మేలుకో హరి సూర్యనారాయణా మేలుకో !

      పొడుస్తూ బాలుడూ పొన్న పూవూ ఛాయ      !! శ్రీ సూర్య !!

      ఉదయిస్తు బాలుడూ ఉన్ని పూవూ ఛాయ

      ఉన్నిపూవూ మీద ఉగ్రంపు పొడి ఛాయ      !! శ్రీ సూర్య !!

      గడియొక్క బాలుడూ కంబ పూవూ ఛాయ

      కంబపూవూ మీదా కాకారి పూఛాయ      !! శ్రీ సూర్య !!

      మధ్యాహ్న బాలుడూ మల్లెపూవూ ఛాయ

      మల్లెపూవూ మీదా మంకెన్న పొడి ఛాయ   !! శ్రీ సూర్య !! 

      మూడు ఝాముల బాలుడూ ములగపువ్వు ఛాయ

      ములగపువ్వూ మీద ముత్యంపు పొడి ఛాయ  !! శ్రీ సూర్య !!

      అస్తమాన బాలుడూ ఆవపూవూ ఛాయ

      ఆవపూవూ మీద అద్దంపు పొడి ఛాయ      !! శ్రీ సూర్య !!

      వాలుచూ బాలుడూ వంగ పండు ఛాయ

      వంగపండూ మీద వజ్రంపు పొడి ఛాయ      !! శ్రీ సూర్య !!

      గ్రుంకుచూ బాలుడూ గుమ్మడి పూవూ ఛాయ


      గుమ్మడి పూవూ మీద కుంకుంపు పూఛాయ   !! శ్రీ సూర్య !! 

ఈ బ్లాగ్ నుండి ప్రసిద్ధ పోస్ట్‌లు

మార్జాల కిశోర న్యాయం.... మర్కట కిశోర న్యాయం.....

చిత్రం
       పిల్లి పిల్లల్ని పెట్టి ఏడు ఇళ్ళు తిప్పుతుంది అంటారు . మీరు ఎప్పుడైనా పిల్లి తన పిల్లల్ని తీసుకువెళ్ళటం చూసారా ? తన నోటితో జాగ్రత్తగా కరిచి పట్టుకొని తీసుకువెళ్తుంది . ఇక్కడ పిల్లిదే బాధ్యత . పిల్లలదేమీ ఉండదు . దీనినే మార్జాల కిశోరన్యాయం అంటారు .  అదే మర్కటం అంటే కోతి విషయంలో చూసారా ? అది పిల్లలతో సహా గోడలు ఎక్కి , చెట్టు కొమ్మలు , ఇంటి కప్పులు ఎక్కడికి వెళ్ళినా చిన్నచిన్న పిల్లలు తన తల్లిని వీపునకు గాని , తల్లి పొట్టను కాని గట్టిగా పట్టుకొని ఉంటాయి . ఇక్కడ బాధ్యత తల్లిది కాదు , పిల్లలదే . దీనినే మర్కట కిశోరన్యాయం అంటారు .        ఇదంతా ఎందుకు చెప్తున్నా అనుకొంటున్నారు కదా . ఈ రోజులలో పిల్లల్ని మనం పిల్లి తన పిల్లల్ని ఎంత జాగ్రత్తగా చూస్తుందో అంతలా చూస్తున్నాం . చూడండి వాళ్ళకు ఉదయం లేపడం దగ్గరనుంచి , స్నానాలు చేయించడం , టిఫిన్స్ బతిమాలి తినిపించడం , బస్ వచ్చేస్తుందని వాళ్ళని తరుముతూ రెడీ చేయడం అన్నీ తలితండ్రుల బాధ్యతగా తీసుకొంటున్నాం . వాళ్ళకి పరీక్షలు వస్తే మనకే అన్నట్లు దగ్గర
మరింత చదవండి

వేదాలలో గణిత ప్రాముఖ్యం

        వేదాలలో గణితశాస్త్రానికి ప్రముఖ స్థానం ఇచ్చారు . ఈ శ్లోకం చూడండి .        " యధా శిఖా మయూరాణాం          నాగానాం మణయో యధా          తద్వద్వేదాంగ శాస్త్రాణం       గణితం మూర్ధని స్థితమ్ " .        " నెమళ్ళకు శిఖల వలె , పాములకు మణులవలె , వేదాంగ శాస్త్రాలన్నింటికీ శిరస్సున గణితం ఉంది . " అని అర్ధాన్నిచ్చే ఈ శ్లోకం వలన గణితానికి వేదకాలంలో ఉన్న ప్రాముఖ్యతను అర్ధం చేసుకోవచ్చును .        ఆనాడు కాలం , ముహుర్తం , వంటి కాలప్రమాణాలు , గ్రహగతులు వాటి ప్రభావం , సూర్య చంద్రులు , నక్షత్రముల స్థితిగతుల గురించి వారికి గల గణిత పరిజ్ఞానం ఎంతో అపారం . ఎప్పుడో రాబోయే సూర్య , చంద్ర గ్రహణాలు , కురవబోయే వర్షాలు , కాయబోయే ఎండలు , అన్నింటినీ ముందే లెక్కించే వారు .        వేదకాలంలో యజ్ఞ వాటికల నిర్మాణం , అగ్నిహోత్ర హోమకుండాలు మొదలైన వాటి గురించి వారికి గల రేఖాగణిత జ్ఞానం ఉపయోగ పడేది .
మరింత చదవండి